У артыкуле на прыкладзе творчасці В. Быкава і Б. Васільева раскрываецца змест паняцця «лейтэнанцкая проза», у кантэксце эпохі выяўляецца ўзаемадзеянне беларускай і рускай літаратур, паказваецца тыпалагічнае падабенства прозы, створанай пісьменнікамі-франтавікамі паводле ўласнага ваеннага вопыту. Асаблівая ўвага надаецца інтэрпрэтацыі вобраза камандзіра як галоўнага героя «франтавых» твораў, асэнсаванню тыповых рыс характараў персанажаў. Ключавыя словы: «лейтэнанцкая проза», В. Быкаў, Б. Васільеў, гераічнае, трагічнае, вайна, камандзір. Бібліягр.: 8 назваў.

У артыкуле цэласна разгледжаны асаблівасці літаратурнай рэпрэзентацыі сіроцтва ў сучаснай прозе на матэрыяле твораў Г. Марчука, У. Ягоўдзіка, У. Ліпскага. Ахарактарызаваны вобразы дзяцей-сірот, сюжэтныя лініі, жанравыя формы, адпаведныя дадзенай мастацкай ідэі, вызначана атрыбутыка «цяжкага» дзяцінства, прааналізавана праблема духоўнага сталення літаратурнага персанажа. Ключавыя словы: матыў сіроцтва, герой-сірата, сучасная проза, рэпрэзентацыя. Бібліягр.: 5 назваў.